Walaca Haweenka: Maxaa Sababa, Sida loo Maareeyo

 

Walaca xilliga uurka waa xaalad caadi ah oo ay la kulmaan haween badan. Uurku waa marxalad nololeed oo xambaarsan farxad iyo rajo, balse sidoo kale waxa la socda walwal, cabsi iyo fikir badan. Isbeddelada jirka, hormoonnada iyo xaaladaha nololeed ayaa sababi kara in hooyadu dareento walac mararka qaarkood ka bato sida caadiga ah, Fahamka walaca iyo sida saxda ah ee loola tacaalo ayaa muhiim u ah caafimaadka hooyada iyo ilmaha ay uurka ku sido.

Waa maxay walaca xilliga uurka?

Walacu waa dareen maskaxeed oo ka dhasha fikir badan, cabsi ama walaac ku saabsan wax mustaqbalka dhici kara. Xilliga uurka, hooyadu waxay ka walwali kartaa caafimaadkeeda, kan ilmaha, dhalmada iyo masuuliyadda ka dambeysa marka ilmuhu dhasho. Isbeddellada hormoonnada ee jirka ka dhacaya ayaa sidoo kale kordhin kara walaca

Walaca badanaa waxaa loo qaybiyaa laba qaybood oo waaweyn:

1. ​Lalabbada iyo Matagga (Morning Sickness): Dareen xun oo badanaa yimaada subaxdii, inkasta oo uu dhici karo saacad kasta.
2. Hammuunta Cuntada (Cravings): Rabitaan xad dhaaf ah oo loo qabo cunto gaar ah ama nacayb loo qaado cuntooyin hore loo jeclaa.

​Maxaa Sababa Walaca?

Inkasta oo sayniska caafimaadku uusan weli farta ku fiiqin hal sabab oo gaar ah, haddana waxaa la rumeysan yahay in arrimahan soo socda ay door weyn ka ciyaaraan:

• Isbeddelka Hormoonnada: Marka uu uurku ku bilowdo, jirka waxaa ku kordha hormoonnada hCG iyo Estrogen. Isbeddelkan degdega ah wuxuu saameeyaa habka dheef-shiidka iyo dareenka urta.
• Dareenka wax urinta oo korodha: Haweenka uurka leh waxay yeeshaan sanka oo aad wax u uriya (Hyperosmia). Ur kasta oo xooganna waxay kicin kartaa lalabo degdeg ah.

Saameynta walaca ee hooyada iyo ilmaha

Walaca xad dhaafka ah wuxuu saameyn ku yeelan karaa caafimaadka hooyada, sida hurdo la’aan, daal joogto ah iyo hoos u dhaca niyadda hooyada. Haddii walacu muddo dheer socdo, wuxuu sidoo kale saameyn ku yeelan karaa uurka laftiisa. Sidaas darteed, yareynta walaca waa arrin muhiim ah oo ka mid ah daryeelida uurka.

Sida loo yareeyo walaca xilliga uurka

Waxaa jira tallaabooyin fudud oo hooyada uurka leh ay qaadi karto si ay u yareyso walaca:

• Cunno yaryar oo isdaba joog ah: Halkii aad mar qura cuni lahayd cunto badan hal mar, u qaybi cuntada 5 illaa 6 qaybood oo yaryar maalintii oo dhan.
• Hurdo iyo nasasho kugu filan: Hurdo fiican waxay dejisaa maskaxda waxayna yareysaa walaca.
• Cunto caafimaad leh: Cunto nafaqo leh oo isku dheelitiran ayaa kor u qaadda tamarta iyo niyadda.
• La hadlida dadka ku dhow: Wadaagista dareenkaaga qoyska ama saaxiibada waxay yareyn kartaa culayska maskaxda.
• Ducada iyo kalsoonida eebe: Ku tiirsanaanta Allah sw  iyo ducadu waxay qalbiga gelisaa deganaan iyo rajo.

​Goormay tahay in dhakhtar loola xiriiro?

Inkasta oo walacu yahay mid caadi ah, haddana waxaa jira xaalad loo yaqaanno Hyperemesis Gravidarum, taas oo ah walac ka baxsan xadka caadiga ah. Fadlan la xiriir dhakhtarkaaga haddii:

• Aad matagto in ka badan 3-4 jeer maalintii.
• ​Aad dareento dawakhaad ama miyir doorsoomid.
• Miisaankaaga uu hoos u dhaco si muuqata.
• Barar kedis ah: Barar degdeg ah oo ku yimaada wejiga, gacmaha, ama cagaha.

Hammuunta Cuntada (Food Cravings)

Hammuunta cuntadu waa dareen xooggan oo hooyada uurka leh ay u qaaddo cunto gaar ah. Tani badanaa waxay bilaabataa saddexda bilood ee ugu horreeya, haweenka qaar ayaa  rabooda inay cunaan Ciidda, Dhuxusha,iyo dhoobada. Tan waxaa loo yaqaannaa Pica.

FIIRO GAAR AH:

Haddii aad isku aragto hammuun aad u qabto waxyaabo aan cunto ahayn, badanaa waa calaamad muujinaysa in jirkaagu u baahan yahay macdanno ay ka mid tahay Birta (Iron). Hubi inaad la tashato dhakhtar si baaris loogu sameeyo dhiiggaaga.

GUNAANAD

Walacu waa qayb ka mid ah safarka quruxda badan ee hooyonimada, waana calaamad muujinaysa in jirkaagu uu ku mashquulsan yahay dhisidda nolol cusub. Dulqaadka, nasashada, iyo raacista talooyinka caafimaadka ayaa kaa caawin doona inaad xilligan si nabad ah uga gudubto. Xusuusnow, badanaa walacu wuxuu dhammaadaa ka dib saddexda bilood ee ugu horreeya ee uurka (First Trimester).

🤔 Su’aalaha Badanaa La Iska Weydiiyo Walaca

1. Ma caadi baa inaan naco cuntadii aan hore u jeclaan jiray?

Haa, waa wax iska caadi ah. Isbeddelka hormoonnada ayaa saameeya dareenkaaga dhadhanka (Dysgeusia), taas oo keenta in cuntooyinka qaar ay kuu dhadhamiyaan sidii bir ama aad u aragto urtooda mid aan loo adkaysan karin.

2. Goormuu walacu badanaa dhammaadaa?

Inta badan haweenka, walacu wuxuu yaraadaa ama ka haro dhamaadka toddobaadka 12-aad ilaa 14-aad ee uurka. Si kastaba ha ahaatee, hooyooyin yar ayaa laga yaabaa inay dareemaan ilaa dhalmada.

3. Ma u xun yahay ilmaha haddii aanan cunto badan cunin walaca dartiis?

Haddii walacu yahay mid dhexdhexaad ah, ilmuhu wuxuu nafaqada ka qaadanayaa kaydka jirkaaga. Laakiin haddii aad matagto wax kasta oo aad cunto (Hyperemesis Gravidarum), waa inaad dhakhtar la xiriirtaa si looga hortago halis kasta oo aad wajihi karto.

4. Maxaan sameeyaa haddii aan u hammuun qabo waxyaabo khatar ah (Pica)?

Ha isku deyin inaad cuntid! Beddelkeeda, calaali baraf ama cun khudrad sida ansalaatada , isla markaana la xiriir dhakhtarkaaga si lagaaga baaro yaraanta macdanta Birta iyo Zinc.

© 2024 Xuquuqda Maqaalkani waxay u dhaxaysaa Daryeel caafimaad